Dili – Produtor Programa Radiu, Departemento Apoiu Radiu Komunidade husi DNPDML-SEKOMS, fasilita formasaun ba Funsionariu kontratatu nain 20, Durante Loron 2 (15-16 Fevereiro) iha salaun DNPDML Kintal Boot Dili.
Formasaun ne’e, nudar faze ida hodi introduz servisu Radiu ho karater sira ba funsionariu foun hodi halao knar ho diak.
Xefe Departemento Apoiu Radio Komunidade, Manuel de Fatima iha abertura hateten formasaun ne’e importante ba funsionariu foun sira hodi halao knar ho diak.
Manuel de Fatima motiva funsionariu sira aprende materia ne’ebe halo husi produtor no tekniku sira. Formasaun ne’e fasilita produtor programa no tekniku mak hanesan, Jose da Costa halo aprezentasaun konaba aprezentador nebe diak, Waitila Pereira, Talkshow, Julio da Costa, Notisia, Lindo Pinto, tekniku Radiu, Ana da Costa halo aprezentasaun konaba Drama, Celestino Freitas konaba PSA.
Formasaun ne’e partisipa husi funsionariu kontratadu Departementu Apoiu Radiu hamutuk nain 20.
