Hatutan.com, (26 Marsu 2025), Díli- Iha informasaun ne’ebé sirkula, katak Ministru Transporte no Komunikasaun (MTK), Miguel Marques Gonçalves Manetelu, aprezenta Projetu Rezolusaun Governu ba Konsellu Ministru sira-nian hodi ezonera membrus atuál Konsellu Administrasaun Autoridade Aviasaun Sivíl Timor-Leste, IP (AACTL) nian tanba de’it kestaun AirAsia Indonézia atu halo operasaun husi Indonézia mai Timor-Leste.
Lee Mós: Pozisaun AACTL Bá Inisiativa AirAsia: Governu Tenke Próteze Setór Privadu Nasionál
Ministru Transporte no Komunikasaun (MTK), Miguel Marques Gonçalves Manetelu. Foto/Dok.Tome da Silva
Iha tinan ikus 2023 nian, AirAsia Indonézia submete proposta ka pedidu ba Governu liuhusi Primeiru-Ministru (PM), Kay Rala Xanana Gusmão atu bele halo operasaun husi Indonézia mai Timor-Leste. Nune’e, PM Xanana hatún despaxu ba Ministru MTK, Miguel Marques Gonçalves Manetelu atu tua atensaun ba pedidu ne’e.
Liu tiha loron balun Ministru Miguel Marques Gonçalvel Manetelu hatún despaxu ba Konsellu Administrasaun Autoridade Aviasaun Sivíl Timor-Leste, IP (AACTL) atu bele fó paresér ka fó opiniaun tékniku kona-bá pedidu AirAsia Indonézia nian ne’e.
Informasaun ne’ebé Hatutan.com asesu husi fontes balu ne’ebé husu atu labele publika nia identidade hateten AACTL fó duni opiniaun ka paresér hodi husu atu tetu lai pedidu AirAsia Indonézia nian ne’e tanba kestaun prinsípiu reprosidade ne’ebé kontempladu iha Akordu Bilaterál ba Transporte Aéreu (air transport agreement) Timor-Leste ho Indonézia.
Prinsípiu reprosidade haktuir kona-bá balansu operasaun aviaun husi Indonézia mai Timor-Leste no husi Timor-Leste nian ba Indonézia. Kataka, bainhira Indonézia nia aviaun komersiál ida halo operasaun mai Timor-Leste maka Timor-Leste mós bele iha nia aviaun komersiál ida hala’o operasaun internasionál ba Indonézia (parte rua tenke iha balansu).
Kestaun seluk ne’ebé AACTL propoin atu Ministru Transporte no Komunikasaun Miguel Manetelu tetu ho didi’ak antes foti desizaun AirAsia hosi Indonézia halo operasaun mai Timor-Leste tanba kestaun persentajen pasajeiru ne’ebé to’o oras ne’e utiliza aviaun komersiál rua; Aero Dili (Timor-Leste) ho Citilink (Indonézia) ba sira-nia viajen ba-mai Indonézia-Timor-Leste seidauk atinje 60%.
Lee Mós: Governu Seidauk iha Desizaun bá Operasaun AirAsia Mai Timor-Leste
Tuir informasaun ne’ebé espalla iha Ministériu Transporte no Komunikasaun katak ho paresér sira husi AACTL ne’e ladún fó serteza ba Ministru Miguel Manetelu atu deside lalais AirAsia halo operasaun mai Timor-Leste ho intensaun atu bele iha kompetitivu iha folin tikete ka billete baratu. Nune’e, Ministru Miguel Manetelu foti opsaun hodi la extende kontratu servisu prezidente AACTL, Eusébio Freitas ho membru Konsellu Administrasaun AACTL nian hodi propoin ba Konsellu Ministru ezonera Eusebio Freitas husi kargu Prezidenti Konsellu Administrasaun Autoridade Aviasaun Sivíl Timor-Leste, I.P (AACTL).
Bainhira Hatutan.com konfirma informasaun sira-ne’e direta ba Ministru Miguel Marques Gonçalves Manetelu hafoin partisipa reuniaun Konsellu Ministru sira-nian iha Palásiu Governu, Kuarta (26/03/2025), hateten Konsellu Ministru ezonera Eusebio Freitas tanba mandatu mak remata ka mandatu termina ona.
Kona-bá ezonerasaun ne’e karik iha relasaun ho AirAsia? Ministru hatán hodi husu fali dehan,“Imi hetan husi ne’ebé, fontes sé mak ko’alia,”.
Ministru Miguel Manetelu afirma tan katak la’ós hapara, maibé mandatu mak remata ona. “Ezonera ne’e dalaruma liafaun ne’e ezonera duni mais sira nian mandatu hotu ne’e mak ita avansa foun,” Ministru MTK Miguel Marques Gonçalves Manetelu hateten.
Sita husi komunikadu imprensa rezultadu Konsellu Ministru sira-nian relata katák projetu Rezolusaun Governu ne’ebé aprezenta hosi Ministru Transporte no Komunikasaun (MTK), Miguel Marques Gonçalves Manetelu, hetan mós aprovasaun ne’ebé determina ezonerasaun bá membru atuál Konsellu Administrasaun Autoridade Aviasaun Sivíl Timor-Leste, I.P (AACTL) Eusébio Freitas no Governu nomea Zezinho António F. Gusmão, nu’udár Prezidente Konsellu Administrasaun foun, nune’e mós Maria Luísa Monteiro no Cornélio Vasconcelos nu’udár membru Konsellu Administrasaun foun AACTL.
VIII Governu Konstitusionál lidera hosi Primeiru-Ministru Taur Matan Ruak, nomeia Eusébio Freitas bá Prezdienti Konsellu Administrasaun Autoridade Aviasaun Sivíl Timor-Leste, I.P (AACTL) iha loron 02 fulan-Setembru tinan bá periodu 2020-2024.
Hatutan.com, (26 Marsu 2025), Díli- Iha informasaun ne’ebé sirkula, katak Ministru Transporte no Komunikasaun (MTK), Miguel Marques Gonçalves Manetelu, aprezenta Projetu Rezolusaun Governu ba Konsellu Ministru sira-nian hodi ezonera membrus atuál Konsellu Administrasaun Autoridade Aviasaun Sivíl Timor-Leste, IP (AACTL) nian tanba de’it kestaun AirAsia Indonézia atu halo operasaun husi Indonézia mai Timor-Leste.
Lee Mós: Pozisaun AACTL Bá Inisiativa AirAsia: Governu Tenke Próteze Setór Privadu Nasionál
Ministru Transporte no Komunikasaun (MTK), Miguel Marques Gonçalves Manetelu. Foto/Dok.Tome da Silva
Iha tinan ikus 2023 nian, AirAsia Indonézia submete proposta ka pedidu ba Governu liuhusi Primeiru-Ministru (PM), Kay Rala Xanana Gusmão atu bele halo operasaun husi Indonézia mai Timor-Leste. Nune’e, PM Xanana hatún despaxu ba Ministru MTK, Miguel Marques Gonçalves Manetelu atu tua atensaun ba pedidu ne’e.
Liu tiha loron balun Ministru Miguel Marques Gonçalvel Manetelu hatún despaxu ba Konsellu Administrasaun Autoridade Aviasaun Sivíl Timor-Leste, IP (AACTL) atu bele fó paresér ka fó opiniaun tékniku kona-bá pedidu AirAsia Indonézia nian ne’e.
Informasaun ne’ebé Hatutan.com asesu husi fontes balu ne’ebé husu atu labele publika nia identidade hateten AACTL fó duni opiniaun ka paresér hodi husu atu tetu lai pedidu AirAsia Indonézia nian ne’e tanba kestaun prinsípiu reprosidade ne’ebé kontempladu iha Akordu Bilaterál ba Transporte Aéreu (air transport agreement) Timor-Leste ho Indonézia.
Prinsípiu reprosidade haktuir kona-bá balansu operasaun aviaun husi Indonézia mai Timor-Leste no husi Timor-Leste nian ba Indonézia. Kataka, bainhira Indonézia nia aviaun komersiál ida halo operasaun mai Timor-Leste maka Timor-Leste mós bele iha nia aviaun komersiál ida hala’o operasaun internasionál ba Indonézia (parte rua tenke iha balansu).
Kestaun seluk ne’ebé AACTL propoin atu Ministru Transporte no Komunikasaun Miguel Manetelu tetu ho didi’ak antes foti desizaun AirAsia hosi Indonézia halo operasaun mai Timor-Leste tanba kestaun persentajen pasajeiru ne’ebé to’o oras ne’e utiliza aviaun komersiál rua; Aero Dili (Timor-Leste) ho Citilink (Indonézia) ba sira-nia viajen ba-mai Indonézia-Timor-Leste seidauk atinje 60%.
Lee Mós: Governu Seidauk iha Desizaun bá Operasaun AirAsia Mai Timor-Leste
Tuir informasaun ne’ebé espalla iha Ministériu Transporte no Komunikasaun katak ho paresér sira husi AACTL ne’e ladún fó serteza ba Ministru Miguel Manetelu atu deside lalais AirAsia halo operasaun mai Timor-Leste ho intensaun atu bele iha kompetitivu iha folin tikete ka billete baratu. Nune’e, Ministru Miguel Manetelu foti opsaun hodi la extende kontratu servisu prezidente AACTL, Eusébio Freitas ho membru Konsellu Administrasaun AACTL nian hodi propoin ba Konsellu Ministru ezonera Eusebio Freitas husi kargu Prezidenti Konsellu Administrasaun Autoridade Aviasaun Sivíl Timor-Leste, I.P (AACTL).
Bainhira Hatutan.com konfirma informasaun sira-ne’e direta ba Ministru Miguel Marques Gonçalves Manetelu hafoin partisipa reuniaun Konsellu Ministru sira-nian iha Palásiu Governu, Kuarta (26/03/2025), hateten Konsellu Ministru ezonera Eusebio Freitas tanba mandatu mak remata ka mandatu termina onlu Ministru sira-nian relata katák projetu Rezolusaun Governu ne’ebé aprezenta hosi Ministru Transporte no Komunikasaun (MTK), Miguel Marques Gonçalves Manetelu, hetan mós aprovasaun ne’ebé determina ezonerasaun bá membru atuál Konsellu Administrasaun Autoridade Aviasaun Sivíl Timor-Leste, I.P (AACTL) Eusébio Freitas no Governu nomea Zezinho António F. Gusmão, nu’udár Prezidente Konsellu Administrasaun foun, nune’e mós Maria Luísa Monteiro no Cornélio Vasconcelos nu’udár membru Konsellu Administrasaun foun AACTL.
VIII Governu Konstitusionál lidera hosi Primeiru-Ministru Taur Matan Ruak, nomeia Eusébio Freitas bá Prezdienti Konsellu Administrasaun Autoridade Aviasaun Sivíl Timor-Leste, I.P (AACTL) iha loron 02 fulan-Setembru tinan bá periodu 2020-2024.